Sámi parlamentáralaš ráđđi (SPR) doalai čoahkkima Murmánskkas Ruoššas gos ráđđelahtut áigo gulahallat mo ovttasbargat Ruošša beale sámiiguin. – Eat leat mearridan vuos, muitala Norgga sámediggepresideanta.
Sámi parlamentáralaš ráđđi (SPR) doalai čoahkkima Murmánskkas Ruoššas gos ráđđelahtut áigo gulahallat mo ovttasbargat Ruošša beale sámiiguin. – Eat leat mearridan vuos, muitala Norgga sámediggepresideanta.
Norgga beale sámediggepresideanta Aili Keskitalo lei bussemátkkis Murmánskkas Ruoššas Norgii gos Sámi parlamentáralaš ráđđi doalai ikte čoahkkima Murmánskkas Ruoššas, mas mihttun lei earret eará nannet ovttasbarggu rastá riikarájáid.
– Orru dárbu deaivvadit ja ságastit ođđasit, muitala Keskitalo oanehaččat ievttá čoahkkima birra Keskitalo.
Ievttá čoahkkimis muitalii Sámi parlamentáralaš ráđđi iežas vuogádaga birra. Seammás ge ráđđelahtut besse guldalit makkár vuogádat lea Guoládaga sámiin ja dan maid Ruošša beale sámi ovddasteaddjit oidnet ovttasbarggus rájáid rastá.
Sierranas oaivilat
Keskitalo, gii lei čoahkkimis, oaidná ahte Ruošša beale Sámi ollu iešguđet ge sámi searvvit ja joavkkut main leat iežaset oaivilat ovttasbarggu ektui maid.
– Dan barggus leat hástalusat. Nu mo mii leat beasan gullat, de leat guokte sierranas Sám’ Sobbar, ja dain leat goabbatláganat oaivila.
Vuosttaš Sám´ Sobbar ásahuvvui nuppi sámekongreassas 2010:s. Dán searvvi jođiheaddjin lea Valentina Sovkina. Sii gohčodit iežaset searvvi Sámediggin, vaikke Ruošša eiseválddit eai leat dohkkehan searvvi orgánan mii ovddasta Ruošša sápmelaččaid. Nubbi Sám’ Sobbar ásahuvvui goalmmát sámekongreassas 2014:s ja dan jođiha Andrey Ageev.
– Sin bealis lea eahpečielggas mo ovttasbargat. Ollu dáin servviin bohtet iešguđet ge signálat.
Loga maiddái: – Sáhttet dubmejuvvot amas ageantan
Hástalus
Sámi parlamentáralaš ráđđi galgá jurddašit mo sáhttet eará vuogi mielde Ruošša beale sámit ovddastit iežaset SPR:s.
– Dál mii leat oahpásmuvvan dáinna vuogádagain mii lea Ruošša beale Sámis. Mii oaidnit doppe lea eará vuogádat. Danin mii galgat jurddašit mo eará ládje Ruošša beale sámiide addit vejolašvuođa ovddastit iežaset SPR:s.
Dál Ruošša beale sámiid ovddastit guokte sámesearvvi, Guoládaga Sámiid Searvi ja Murmánskka guovllu Sámesearvi, ja dáin leat áicanstáhtus.
Eai leat mearridan
Norgga beale sámediggepresideanta Aili Keskitalo ja Sámi parlamentáralaš ráđi ráđđelahttu ii loga dahkkon mearrádusa áššis. Son lasiha dasa ahte buohkat oidnet ja deattuhit ahte galgá ovttasbargu riikarájáid rastá sámiid gaskkas.
– Dát lea áibbas konkrehta ja čielga signála mii lei čoahkkimis.
