Sámediggepresideanta Aili Keskitalo ja sámediggeráđđi Mikkel Eskil Mikkelsen leaba Bådådjos borgemánu 7.- 8. beivviid gos galgaba ollet olu.
Álggos leaba 7. beaivi Nordland Musikkfestuke konferánssas. Sámediggepresideanttas Aili Keskitalos lea ge doppe sáhkavuorru.
Fáddá su sáhkavuorus lea makkár mearkkašupmi šaddá Eurohpalaš kulturoaivegávpogis sámi kultuvrii.
Dat beaivi loahpahuvvo Anne Sofie von Otteriin Stormen konsearttain mii lea konseartaviesus.
Gaskavahku iđđesbeaivvi ges lea čoahkkin Bådåddjo suohkaniin. Doppe sii árvvoštallet ovttasbargošiehtadusa.
Dan maŋŋel rahppo ge Jentoftsletta mánáidgárddi sámi ossodat.
Sámediggepresideantta Aili Keskitalo lea ožžon gutni rahpat sámi ossodaga almmolaččat.
Bådåddjo sátnejođiheaddji Ida Maria Pinnerød ja earát servet rahpamii.
Dasto manná mátki gávpotkonsertii mii lea Nordland Musikkfestuke oktavuođas.
Doppe čuojaha ge Isák joavku. Maŋŋel dan rahpá sámediggepresideantta Aili Keskitalo Stormen sámi guovddáža almmolaččat.
Dearvvuođaid buktiba maiddái Bådåddjo sátnejođiheaddji Ida Maria Pinnerødii ja kultuvrra, birrasa ja álbmotdearvvašvuođa fylkkaráđđái Aase Refsnesii.
Dasto lea ge rabas lágideapmi Stormen girjerádjosis.
Dearvvuođaid cealká sámediggepresideanta, Bådåddjo sátnejođiheaddji, Nordlándda fylkkagieldda ovddasteaddjit, Nordlándda fylkkamánni ja earát.
(Gáldu: Sámediggi)