– Mis galgá leat skuvla mas oahppit máhttet ja ohppet, ja mas oahppit geat rahčet skuvllain, ožžot árrat veahki. Oahppit deaivvadit oahpaheddjiiguin geain lea nanu máhttu ja dilli oaidnit juohke oahppi. Mii oaidnit čielga bohtosiid ráđđehusa politihkas, lohká Diehto- ja integrerenministtar Jan Tore Sanner.
– Mis galgá leat skuvla mas oahppit máhttet ja ohppet, ja mas oahppit geat rahčet skuvllain, ožžot árrat veahki. Oahppit deaivvadit oahpaheddjiiguin geain lea nanu máhttu ja dilli oaidnit juohke oahppi. Mii oaidnit čielga bohtosiid ráđđehusa politihkas, lohká Diehto- ja integrerenministtar Jan Tore Sanner.
2015 rájes lea ráđđehus ovttas Risttalaš albmotbellodagain addán ollu ruđa eambbo oahpaheddjiide vuođđoskuvllas, ja čakčat álggahuvvui oahpaheaddjinorbma mas lea mearri galle oahppi sáhttet eanemusat leat juohke oahpaheaddji nammii.
Ráđđehus lea maid vuoruhan joatkkaoahpuid oahpaheddjiide.
Mihttu lea álggahit árrat bargat mánáidskuvllas, nu ahte ii okta ge mánná galgga bázahallat skuvllas.
Eanaš skuvllain olihedje norpma
Oahpahusdirektoráhta logut čájehit ahte eanaš skuvllat leat olihan oahpaheaddjinorpma.
Riikkadásis lei 75 proseantta skuvllain olihan oahpaheaddjenorpma dán jagi 1.–4.luohkáin. 5.–7.luohkáin lei 90 proseantta gáibádusain olahuvvon, ja 80 proseantta ges 8.–10.luohkáin.
– Logut čájehit ahte eanaš skuvllat miehtá riikka leat bures olahan oččodit eambbo oahpaheddjiid, ja ahte leat gáibádusaid ovddas bures plánen. Lea ain mealgat olu maid galgá olahit. 2019 čavčča galget čavget norpmá ain eanet. Dan dihte lea dehálaš ahte skuvllat ja suohkanat jotket dan buori barggu, virgádit doarvái oahpaheddjiid ja ahte joatkit oččodit eanet oahpaheddjiid, lohká Sanner.
