Stáhtačálli Anne Karin Olli vuolgá Austráliai ja Ođđa Selándii dáid beivviid gulahallat ja ságastallat giela ja kultuvrra, soabadanbarggu, eananvuoigatvuođaid ja gaskkariikkalaš bargguid birra.
– Norgga bilaterála oktavuohta sihke Austráliai ja Ođđa Selándii leat nannosat, ja lea lagas ovttasbargu riikkaidgaskasaččat. Mun illudan čuovvolit ságastallama álgoálbmotpolitihka našunála unnitálbmogiid birra, mii lei fáddán stáhtaguossástallamis diibmá, lohká Olli.
Sámi áššiid stáhtačálli galleda Austrália ja Ođđa Selándda guovvamánu 3. beaivvis gitta 13. beaivái. Doppe galgá deaivvadit riikkaid njunnošiiguin ja riikkaid álgoálbmogiiguin.
Ulbmil mátkkiin lea gulahallan ja vásáhusjuogadeapmi álgoálbmotpolitihkas ja našunála unnitálbmogiid birra, ja maiddái ságastallan giela ja kultuvrra, soabadanbarggu, eananvuoigatvuođaid ja gaskkariikkalaš bargguid birra. Dan dieđiha ráđđehus preassadieđáhusastis.
