Riikaviidosaš rádio heittii gaskavahkku diibmu 11.11 sáddemis FM-neahta bokte Romssas, Finnmárkkus ja Svalbárddas. Olles Norga ferte danin dál geavahit DAB.
Riikaviidosaš rádio heittii gaskavahkku diibmu 11.11 sáddemis FM-neahta bokte Romssas, Finnmárkkus ja Svalbárddas. Olles Norga ferte danin dál geavahit DAB.
NRK, Radio Norge, P4 ja muhtin eará lagasrádiot leat dál molsson FM:s DAB:i dáppe davvin. Danin lea nu gohčoduvvon riikakánalaid FM-fierpmádaga jáddadeapmi čađahuvvon olles Norggas.
Logi proseantta unnit guldaleaddjit
Eai buohkat leat vuostái váldán dan ođđa teknologiija iluin. Norgga lagasrádiosearvi lea váidán jáddadeami EFTA gozihanásáhusii ESA:i.
Ođđa logut maid guorahallangávpotráđđi Kantar media lea viežžan dán vahkku, čájehit ahte norgalaččaid lohku geat guldalit rádio beaivválaččat lea njiedjan logiin proseanttain jagis. Viđadasoassi guldaleddjiin leat jávkan dán áigodagas go leat dahkan Norgga áibbas digitálan.
31 riikkaviidosaš kanála
– Dát lea stuorra rievdadus ja mii fertet addit guldaleddjiide áiggi nuppástuhttit digitála rádioi, dadjá Digitalradio Norge beaivválaš jođiheaddji, Ole Jørgen Torvmark preassadieđáhusas.
– Oalle olusiin lea leamaš digitála rádio ovdal FM-jáddadeami, muhto ii buohkain. Juohke jáddadeami maŋŋil leat oaidnán ahte guldaleddjiid lohku njiedjá, ja fas maŋŋelaš lassána, muitala Torvmark.
Digitalradio Norge dieđiha ahte dál gávdnojit 31 riikaviidosaš radiokanála DAB:s.
Eanaš lagasrádiot jotket sáddagiid FM-neahta bokte. (©NTB)
