Borgemánu 31. beaivvis čakčamánu 8. beaivái bovdejuvvo olles Norga olgoáibmofestii. Dalle leat iešguđetlágán doaimmat main lea vejolašvuohta vásihit luonddu ja olgoáimmu buriid.
Lea go dus hállu geahččalit orienterema, oađđit olgun, oahppat ođđa guopparšlájaid birra dahje guorahallat luonddu doppe gos don orut, de gávdnojit doaimmat dutnje olgoáimmu vahkkus.
– Olgoáimmu vahkkus mii áigut inspireret eambbosiid gávdnat olgoáibmodoaimma mii heive sidjiide. Don soaittat háliidit geahččalit juoidá ođđasa? Jus dus lea jo doaibma dahje tuvra masa liikot, de mii sávvat ahte bovdet muhtima mielde vai beassabeahtti dan vásihit fárrolaga, dadjá Norsk Friluftsliv generálačálli Bente Lier.
Dán vahkku sáhtát gávdnat ja searvat suohtas doaimmaide doppe gos orut ja gávdnat inspirašuvnna leat eambbo olgun luonddus. Eanet dieđuid doaimmaid birra iežat suohkanis gávnnat doaibmakaleandaris friluftslivetsuke.no neahttasiiddus.
