Juovlaskeaŋkkat sáhttet dagahit olggušteami, lohkal dán nuora čállosa:
Juovlaskeaŋkkat sáhttet dagahit olggušteami, lohkal dán nuora čállosa:
Olggušteapmi
Jahki lea 2015, juovllat lea lahkonišgoahtán. Mun lean sávvan ođđa dihtora ja ođđa spilla maid mun sáhtán spillet mu skihpáriiguin. Lean guhká háliidan leamen ovttas mu skihpáriiguin neahta bokte gos mii háleštat “skypas” spillaid birra.
Buot mu skihpárat spillejit Counter Strike, gos oaivil lea gilvit bomba A dahje B sadjái. Juohke joavkkus leat viđas geat sáhttet oasálastit, ja lea buorre háleštit nubbi nuppiin, gii manná gosa, maid barget don, ja ain viidáset.
Juovllat leat dáppe ja in oainne ovttage stuorra báhka juovlabeazi vuolde. Imaštan in bat mun oačču mu sávaldaga. Mun raban vuosttaš báhka, ja dat lei okta báiddi áhkus. Nubbi báhkas ledje skuovat. In ožžon goassage mu dihtora. Munnje šattai váivi, ja smiehtastin mun in beasa in goassege spillet mu skihpáriiguin.
Juovlaluopmu nogai, ja skuvla álggii fas. Mu skihpárat háleštedje maid sii ožžo juovlaskeaŋkan, buohkat ožžo ođđa dihtora earret go mun. Nuppi beaivvi mii čohkkáimet kantiinnas hálešteimmet Counter Strike birra, “muittát go ovddit eahkeda” “Juo lei somá, mun jovden Golden Novai”. In beassan oasálastit sagastallamii, ja biddjojin olggobeallai.
Čálli ii hálit almmuhit namas.
Háliidat go don maid searvat gilvui mas sáhtát vuoitit iPada?
Lohkal njuolggadusaid dáppe ja čális don ge!
