Ođas dán jagi ealgabivddus lea ahte maiddái gili olggobeale bivdojoavkkut sáhttet ohcat násteguovlluide, muhto FeFo deattuha iežaset vuoruhit gili siskkobealde bivdojoavkkuid násteguovlluide nu go ovdal.
Ođas dán jagi ealgabivddus lea ahte maiddái gili olggobeale bivdojoavkkut sáhttet ohcat násteguovlluide, muhto FeFo deattuha iežaset vuoruhit gili siskkobealde bivdojoavkkuid násteguovlluide nu go ovdal.
Finnmárkkuopmodat (FeFo) hálddaša Finnmárkku stuorrafuođđobivddu. Dán jagi lea bivdu juhkkojuvvon 24 vállii main leat 290 bivdoguovllu, ja ealgabivdu juhkkojuvvo ohcamiid ja vuorbádeami vuođul.
1010 ealli beassá njeaidit
FeFo fállá dán jagi ealgabivddu oktiibuot 279 ealgabivdoguovllus gos obbalaččat besset njeaidit 1010 ealli. Ođas dán jagi lea ahte bivdojoavkkut sáhttet ohcat bivdoguovllu elektrovnnalaččat inatur.no bokte. Ohcanáigi ealgabivdui lea cuoŋománu 1. beaivvis cuoŋománu 21. beaivvi rádjái.
Ealganáli lassánan
1960-logu rádjái lei ealga vánis ealli eanas sajiin Finnmárkkus. Maŋŋel lea ealgalohku ja báhčin lassánan jođánit, 15 njeidojuvvon eallis 1961:s njeaidinoláhussii mii lei 850 ealli 2012:s. Finnmárkku ealganáli dovdomearkan lea ahte dat lea lunddoleappot čoahkkái biddjon go muđui riikkas, njiŋŋelasaid ja varrásiid juohku lea goasii ovttalágan, gaskamearálaš ahki lea badjeleappos ja leat ollu stuorra eallit (leat ealgavarrásat mat deddet 300 kg). Sivvan dasa lea unnit ealgaeatnatvuohta guđege sajis ja njeadinbeaktilvuohta go muđui riikkas, čállá FeFo preassadieđáhussas.
