-Almmuhus-
OĐĐASATOlgešbellodat ain stuorámus

Olgešbellodat ain stuorámus

-

-

Olgešbellodat leamaš Norgga stuorámus bellodat maŋimuš jahkebeali, čájeha TV2:š guorahallan. Ovddádusbellodat massá ain jienasteddjiid ja livččii smávit bellodat go Guovddášbellodat jus dál livččii čađahuvvon stuoradiggeválga.

Ovddádusbellodat massá jienasteddjiid ovttasbargobellodahkii Olgežii.

Guovttis lohkásis, geat ovddit válggaid jienastedje Ovddádusbellodaga, vástidit ahte jienastivčče Olgešbellodaga jus dál livččii stuorradiggeválga, čájeha Kantar TNS politihkalaš guorahallan mii lea čađahuvvon TV2:ža ovddas.

 

Guovddášbellodat manná meattá

Ovddádusbellodat massá 1,1 proseantta jienasteddjiin, ii ge leat guorahallama vuođul šat goalmmát stuorámus bellodat Norggas.

Dán saji manahit Guovddášbellodahkii mii oččošii 12,1 proseantta jienain, dá lea 0,9 proseantta lassáneapmi ovddit guorahallama ovddas.

 

Manná ain maŋos

Bargiidbellodat mii manahii olu jienasteddjiid mannan stuoradiggeválgga oktavuođas manná ain maŋos, sii masset vel 0,2 proseantta jienasteddjiin.

Olgešbellodat gal bissu Norgga stuorámus bellodahkan go oččošedje 29,3 proseantta jienain, sin lassáneapmi lea 0,2 proseantta.

 

Gurutbellodat manaha jienasteddjiid

Gurutbellodat, mii lea searvan ráđđehussii, manaha 0,9 proseantta jienasteddjiin.

Eará bellodagat, Sosialisttalaš Gurutbellodat, Risttalaš álbmotbellodat, Ruoná birasbellodat ja Ruoksat gal ovdánit guorahallamis, čállá NTB.

-Almmuhus-