-Almmuhus-
-Almmuhus-
-Almmuhus-
OĐĐASATOlbmuid stuorimus ođđajagelohpádus boahtte jahkái

Olbmuid stuorimus ođđajagelohpádus boahtte jahkái

-

-

Olbmuid stuorimus ođđajagelohpádus maid áigot boahtte jagi čađahit ii leat gal siste hárjehallat, čájeha ođđa Ipsos jearahallan.

Meahci vázzit ovdalii go siste hárjehallat, lea boahtte jagi stuorimus ođđajagelohpádus, boahtá ovdan ođđaseamos Ipsos iskkadeamis maid oktasašsearvi Norsk Friluftsliv lea diŋgon.

Ii loga hirpmáhuvvan

Olles 65 proseantta háliida eanet lihkadit boahtte jagi. 

Meahci vázzit dahje čuoigat lea doaibma mii eanemusat namuhuvvo. 63 proseantta leat dadjan ahte dat lea doaibma maid áigot eanet bargat.

– Dat logut eai hirpmáhuhte mu gal. Lea álkis fálaldat vuolgit váccašit, lea nuvttá, ja addá nu olu eanet go dat ahte vuoibmi buorrána, nu ahte ii leat ártet ahte norgalaččat háliidit dainna lágiin hárjehallat, lohká Norsk Frisluftsliv váldočálli Lasse Heimdal.

Meahci vázzit ovdalii go siste hárjehallat

Iskosis lohket 36 proseantta olbmuin ahte áigot eanet hárjehallat siste hárjehallanguovddážis, ja dušše ovcci proseantta áigu eanet hárjehallat valáštallanšiljus.

Heimdal oaivvilda loguid čájehit ahte politihkkárat fertejit duosttat buorebut heivehit olggustallama, nu go buoret bálgáid ráhkadit ja merket daid, jus áigot álbmogii buoret dearvvašvuođa.

– Jearaldat movt eambbogiid oažžut eanet lihkadit, lea váttis čuolbma, muhto lea dárbbašlaš jus galgat doalahit eambbogiid dearvvašin boahtte áiggis. Okta čoavdda sáhttá leat heivehit buorebun dan aktivitehtii maid olbmot eanemusat háliidivčče bargat, lohká Heimdal.

-Almmuhus-