Olbmuid luohttámuš politiijaide lassána nuppi jagi maŋŋálaga. Dat čájeha ahte politiijaođastus lea doaibman, oaivvilda stáhtaministtar Erna Solberg (O).
Ođđa iskkadeapmi čájeha ahte 82 proseantta sis geas leat jearran, lea hui alla luohttámuš Norgga politiijaide.
– Mii vásihat ahte bargu mii dahkko nannet politiijaid, ja dat bargu mii dahkko politiijaođastusain, dagaha olbmuide eambbo luohttámuša politiijaide, dadjá Solberg NTB:i.
Báikkálaš variašuvdna
Justiisa- ja ráhkkanusministtar Monica Mæland (O) čilge ahte luohttámuš lea unnit smávit báikkiin. Smávva gielddain gos unnit go 5000 ássi lea oassi 76 proseantta. Juhkkojuvvon politiijaguovlluid mielde lea oassi unnimus Finnmárkkus, gos 73 proseantta geain leat jearran leat dadjan ahte sis lea luohttámuš politiijaide.
