65 proseantta Norgga álbmogis jáhkket ahte njoammunlogu lassánit. Ii leat nu guhkes áigi dassái go olbmot jáhkke njoammologuid njiedjat.
65 proseantta jerrojuvvon olbmuin jáhkket dál ahte njoammunlohku lassána, čájehit Opinionen iskkadeami ođđa logut. Dan iskkadeapmái vástidit dušše 16 proseantta ahte jáhkket njoammunloguid njiedjat. 19 proseantta jerrojuvvon olbmuin jáhkket ges dálá dili bissut dássedit.
Golggotmánu rájes jáhkket dasto 28 proseantta eambbo olbmot ahte njoammun lassána.
– Guovtti maŋimuš vahkus leat olbmot duođaid rievdadan oainnuset. Sihke čakčamánus ja golggotmánus leat olbmot jáhkkán ahte njoammunlohku njiedjá. Borgemánus oinniimet sullasaš loguid go odne, lohká Opinionseniorráđđeaddi Nora Clausen.
Dál lassánage korona. Maŋimuš jándora leat registreren 1534 olbmos korona. Dat lea 538 eambbo go mannan bearjadaga. Maŋimuš čieža beaivvis lea gaskamearálaččat 1222 olbmos duođaštuvvon covid-19.
(©NTB)
