Earenoamážit olbmot geain lea beroštupmi málesteapmái ja buori elliidčálgui háliidit borrat eambbo bohccobierggu.
Geavaheddjiidjovkui gullet earenoamážit sii geain lea beroštupmi málestit ja geat beroštit buori elliidčálggus. Dan čállá Eanadoallo- ja biebmodepartemeanta ráđđehusa neahttasiiddu ođđa márkaniskkadeami birra.
Iskkadeamis čájehuvvo ahte Norgga geavaheaddjit áigot borrat eambbo bohccobierggu. Geavaheddjiidjovkui lea dehálaš ahte elliin lea buorre dilli, ja ahte lea Norgga ja báikkálaš buvttaduvvon biebmu.
Jovkui gullet maid olbmot geain lea nana borramušberoštupmi, ja geat háliidit ieža málestit borramuša álggu rájes.
Eanandoallo- ja biebmoministtar Olaug Bollestad cealká ahte lea positiivvalaš boađus iskkademiin.
– Lea positiivvalaš ahte Norgga geavaheaddjit háliidit borrat eanet bohccobierggu. Bohccobiergu lea lunddolaš ja das lea buorre máistu. Go borrá bohccobierggu málisin, de seammás leat čanastagat muitalanárbevirrui, boazodoalu nissoniidda ja albmáide ja sámi kultuvrii, dadjá eanandoallo- ja biebmoministtar Olaug Bollestad.
