-Almmuhus-
SMÁVVAOĐĐASATOlbmot eai dieđe man olu dát máksá

Olbmot eai dieđe man olu dát máksá

-

-

Dieđátgo man olu máksá jus válddahallat politiijain jus geavahat mobiilatelefovnna vuojedettiin?

Diibmá lassánii ráŋggáštus. Jus gávnnahalat mobiilatelefovnna čuoggume vuojedettiin, de geavat dál máksit 5000 ruvdnosaš sáhku ja vuodjinkortii maid devdet 3 ráŋggáštusčuoggá. Diibmá sáhkohallet 1700 ruvnnuin ja guvttiin čuoggáin.

– Ráŋggáštus lea lassánan ja dat lea buorre. Mobiilatelefovnna ii galgga goassege geavahit vuojedettiin biillain. Sihke dutnje ja mielčuovvuide lea várálaš jus nu dagat, dadjá Frende Forsikring mohtor fágahoavda, Roger Ytre-Hauge.

Ná vástidit norgalaččat

21 proseanta eai dieđe ráŋggášteami mobiilageavaheamis biillas. 49 proseanta dihtet ahte ráŋggáštusa leat čavgen, muhto eai dieđe man olu. 30 proseanta álbmogis dihtet juste makkár ráŋggáštus lea.

– Lea čielggas ahte lea ain stuorra dárbu diehtojuohkimii go nu oallugat eai dieđe dan birra. Ulbmil čavgejuvvon ráŋggáštusain, lea ahte dat galgá leat balddihahtti. Lea servvodaga vuohki dadjat ahte eat dohkket mobiilageavaheami vuojedettiin, dadjá Trygg Trafikk seniorráđđeaddi, Bård Morten Johansen.

Unnánat sáhkut

Vuosttaš jahkebealis 2021:s sáhkohedje geaidnopolitiijat 7953 vuoddji mobiilageavaheami dihte.

– Jagis lea njiedjan gosii 10 proseantta, ja dat čájeha ahte čavgejuvvon ráŋggáštusas lea leamaš ávki, muhto lea ain olu bargu mii ferte dahkkot, dadjá Roger Ytre-Hauge.

-Almmuhus-