-Almmuhus-
-Almmuhus-
SMÁVVAOĐĐASATOlbmot diŋgojit eanet olgoriika­mátkkiid

Olbmot diŋgojit eanet olgoriika­mátkkiid

-

-

Mátkefitnodagat dieđihit ahte eanet olbmot ostet olgoriikamátkkiid maŋŋel go ráđđehus ložžii koronaráddjehusaid dán vahkkus. 

Mátkefitnodagat Tui, Ving ja Apollo vásihit ahte eanet norgalaččat háliidit mátkkoštit maŋŋel go ráđđehus ložžii koronaráddjehusaid ja heaittihii masá buot njoammuneastadandoaimmaid. Mátkefálaldagat, main girdibileahtta ja orrun leat oassin, lassánedje sakka ovddit vahkku ektui.

– Mii leat dán vahkkus vuovdán 49 proseantta eanet mátkkiid ovddit vahkku ektui, lohká Tui gulahallanhoavda Nora Aspengren E24 neahttaaviisii ja muitala ahte leat erenomážit guokte guovllu mat geasuhit norgalaččaid. 

– Olbmot geat háliidit dakkaviđe vuolgit mátkkoštit diŋgojit mátkkiid Gran Canariai. Hellas ges geasuha sin geat áigot vuolgit mátkkoštit geasseluomus. 

Ving Norge dieđiha ahte sis lassánii chartermátkevuovdin 72 proseanttain 3. vahkus 4. vahkkui. Apollos lassánedje ges diŋgojumit 40 proseanttain, čállá VG.  (©NTB)

-Almmuhus-