-Almmuhus-
SMÁVVAOĐĐASATOlbmot ballet ahte ekonomiija hedjona

Olbmot ballet ahte ekonomiija hedjona

-

-

Ovdalaš roassoáiggiid lea norgalaččain leamaš buoret doaivva iežaset ekonomiijii go dál.

Lea 30 jagi áigi go iskagohte makkár vuordámušat olbmuin lea ekonomiijii. Ii goassege ovdal leat Norgga álbmogis leamaš unnit jáhkku iežaset dillái go dál.

Vaikko Norggas leamaš roassoáiggit ovdalge, nu go finánsaroassu, oljoroassu ja pandemiija, de olbmot leat goitge jurddašan sis lea nana buorre ekonomiija. 

Sivvan dasa go olbmot váivašuvvet lea go sihke elrávdnji, boaldámuš ja biebmu lea divrun. Dasa lassin gorgŋot loatnareanttut. 

– Dál norgalaččaide čuohcá haddegoargŋun ja olbmot ballet iežas ekonomiijas. Dát haddegoargŋun bođii maid nu fáhkka, lohká Finans Norge hálddahuslaš direktevra Idar Kreutzer.

Son lohká ahte olbmuid váivašuvvan lea mearkkašahtti stuoris ja dasto ferte dan váldit duođas. 

– Jus olbmot ballet ekonomiijas ja geavahišgohtet unnit, de dat čuohcá Norgga ekonomiijii, muittuha Kreutzer.

Son dattege dáhttu muittuhit Norgga positiivvalaš beliid:

– Ii goassege leamaš nu unnán bargguhisvuohta ja ráđđehusas lea dáhttu nannet elrávdnjedoarjjaortnega. Sávvamis dat rievdada olbmuid oainnu maid boahtteáiggi ekonomalaš vuordámušaide, lohká Kreutzer.

(©NTB)

-Almmuhus-