Romsa ja Finnmárku joatká ovdáneami go lea olahus galle oahppi čađahit joatkkaskuvlaoahpu ja cevzet das.
Statistihkalaš guovddášdoaimmahat lea ovdanbuktán loguid joatkkaskuvlaoahpu ovddas Norggas.
Ohppiide, geat álggahedje joatkkaskuvlla 2015:s, mii mihtiduvvui 2021:s, lea Finnmárkkus 70 proseantta čađaheapmi. Dat lea 0,9 proseantačuoggá lassáneapmi mannan mihtideami ektui. Riikka gaskamearri lea 80,4 proseantta.
– Romssas lea čađaheapmi lassánan 75,1 proseanttas gitta 77,1 prosentii. Hui buorit logut. Dat ii mearkkaš dušše ahte lassánit davvin, muhto maiddái ahte juksat reasta riikka, dadjá máhtu ja integrerema fylkkaráđđi, Bjarne Rohde (SG).
Finnmárku ii leat goassege ovdal leamašan lagat riikka gaskameari dan rájes go mihtideamit álge. Regiovdna lea ain vuolimusas riikkas čađaheamis, muhto lea maid dat fylka mas lea leamašan eanemus ovdáneapmi mihtidemiin maŋimuš 10 jagis.
– Hui buorre. Mii buoridat dađistaga ja lahkonat riikka gaskameari. Ferten rámidit oahpaheddjiid, bargiid ja ohppiid, dadjá fylkkaráđđi.
