Rukses Ruossa lea dán rádjái registreren oktiibuot 1766 veahkehanbarggu 2017:s. Dat lea badjel čuođi eambbo go diibmá, ja ođđa olahus.
Rukses Ruossa lea dán rádjái registreren oktiibuot 1766 veahkehanbarggu 2017:s. Dat lea badjel čuođi eambbo go diibmá, ja ođđa olahus.
2012:s čađahii Rukses Ruossa 1133 veahkehanbarggu. Veahkehanbarggut Norgga luonddus leat lassánan 50 proseanttain maŋimuš viđa jagis, čájehit Rukses Ruossa statistihkat.
– Ii oro šaddamin unnit lassáneapmi dán jagi. Mis lea várra muhtinlágan «all time high», dadjá Rukses Ruossa veahkehanveaga jođiheaddji Kjersti Løvik NRK:i.
Álkit jearrat veahki go ovdal
Løvik jáhkká ahte oassi sivas manin logut leat lassánan, lea go lea šaddan álkibun norgalaččaide jearrat veahki go leat váris. Son maiddái lasiha ahte muhtin olbmot navdet iežaset čehppodaga buorebun go duođaid lea.
– Álkimus ráđđi sidjiide geat áigot vánddardišgoahtit váriin lea mannat rihtokursii oažžut oahpu muohttaga ja muohtadili birra, muitala rihtoekspearta Espen Nordahl, gii ođasmahttá rihtoávašteami neahttasiiddus varsom.no.
Son ávžžuha olbmuid gávdnat buori girjji fáttá birra ja lohkat dan, áinnas ovdal go áigodat álgá.
(©NTB)
