Coop:s eai leat goasse leamaš eambbo mieleaiggádat, ja dán jagi orru šaddame áiggiid stuorámus vuoitodienas.
Coop:s eai leat goasse leamaš eambbo mieleaiggádat, ja dán jagi orru šaddame áiggiid stuorámus vuoitodienas.
Coop ii leat goasse leamaš eambbo bivnnut. Dán jagi vuosttaš jahkebealis lea 50 000 ođđa mieleaiggáda dieđihuvvon. Dat mearkkaša ahte ovdal jagi loahppa lea, de leat Coop:s eambbo go 1,6 miljovnna mieleaiggáda. Dan dieđiha Coop preassadieđáhusas.
– Coop lea dat rámbuvra mii lea eará lágan. Min eai eaiggát moattis, muhto min 1,6 miljovnna miellahtu. Vuosttaš jahkebealli lea leamaš hirbmat buorre, ja orru šaddame áiggiid stuorámus vuoitodienas miellahtuide, lohke Coop Norge gulahallanhoavda Harald Kristiansen.
Lassánan diimmážis
Go Coop miellahtut gávppašit Coop:s, de ožžot oasi ruhtasupmis ruoktot. Dássážii dán jagi leat miellahtut ožžon 430 miljovnna. Dat lea čielga lassáneapmi diimmážis.
– Go mii hupmat árvohuksema birra, de eat oaivvil ahte árvu galgá lassánit moaddásii. Mii ráhkadit árvvuid oallugiidda. Mii oaidnit ahte kundarat atnet dan árvvut, ja erenoamážit nuorat geardi. Leat ge sii geat leat stuora oassi min ođđa mieleaiggádiin, lohká Kristiansen.
Dássážii dán jagi leat 53 472 ođđa mieleaiggáda Coop:ii dieđihuvvon. Oktiibuot leat 1 586 294 mieleaiggáda Coop:s.
