-Almmuhus-
-Almmuhus-
-Almmuhus-
OĐĐASATOktiibuot miljovnna geaidnodihká leat dál ceggejuvvon

Oktiibuot miljovnna geaidnodihká leat dál ceggejuvvon

-

-

– Dál juollu dálvi boahtit, lohká Mesta doaibma- ja áimmahuššanfitnodaga hoavda, Kristin Folge. Dál leat velá dihkkádeamen daid maŋimuš dihkáid. 

1 000 kilomehtera geaidnu Porsáŋggus davvin gitta Åseralii máddin lea dál dihkkáduvvon vai lea vejolaš oaidnit geainnu dálvit. Juohke dihká gaskka lea 40 mehtera ja dat máksá ahte Mesta lea dihkkádan Norgga geainnuid badjelaš miljovnna geaidnodihkáin.

– Geaidnodihkát leat dehálaččat min bargiide vai sáhttet beaktilit čorget eret olu muohttaga buot geainnuin, lohká Kristin Folge.

Fylkkagielddat ja Stáhta geaidnodoaimmahat dat mákset geainnuid birra jagi doaibmasoahpamušaid bokte Mestai.

Systemáhtalaš bargu

Geaidnodihkáin le njuolgga geainnus 50 mehtera gaska, muhto jus lea moalkás geaidnu, de lea 30 mehtera gaska. Geaidnoáiddiid álgu ja loahppa lea dihkkáduvvon guvttiin dihkáin. Báikkiin gos lávejit garra dálkkit biddjojit dihto vuogi mielde. 

– Geaidnodihkát addet dehálaš dieđu muohtačorgenbargiide. Geainnut galget dorvvolaččat buot olbmuide, muhto maid oadjebas bargosadji min bargiide. Geahpet leavttu, vuoje čábbát ja doala buori gaskka min bargiide, lohká Folge.

Son ávžžuha buot biilavuoddjiid leahkit gierdevažžan gos geaidnobargit leat barggus.

-Almmuhus-