– Sámiráđđi lea mearridan Troandima sámekonferensii 2017 váldofáttá «Oktasaš Sápmi» Sámiráđi čoahkkimis Murmánskkas, lohká Sámiráđi presideanta Áile Javo.
– Sámiráđđi lea mearridan Troandima sámekonferensii 2017 váldofáttá «Oktasaš Sápmi» Sámiráđi čoahkkimis Murmánskkas, lohká Sámiráđi presideanta Áile Javo.
Sámiráđi presideanta Áile Javo dadjá ávvujagi oktavuođas livččii áigeguovdil viggat gávdnat maid vuođu sámiid oktasaš Sámedikki vuođđudeapmái.
– Mii mearrideimmet Troandima sámekonferánsii fáttá «Oktasaš Sápmi», go lea áigeguovdil digaštallat galgat go ásahit oktasaš Sámedikki, lohká Áile Javo Yle Sápmái.
Nannešii sápmelaččaid
Javo oaivvilda oktasaš Sámedikki ásaheami nannet sápmelaččaid buot njealji riikkas.
– Mun jáhkán oktasaš Sámediggi buvttášii buori, maiddái ahte mii čájehit mii leat okta álbmot vaikko mii orrutge njealji riikkas. Mun jáhkán dat livččii loktemin dási, ja livččii mielde nannemin sápmelaččaid jiena buot njealji riikkas. Lea áigi ahte mii duostat ságastallat dan birra, lohká Áile Javo Yle Sápmái.
