Čakčamánu 1. beaivvi rájes it dárbbaš šat ohcat gielddaid doavttervávttaide telefonnummira, dalle ásahuvvo oktasaš nummir buot doavttervávttaide miehtá Norgga.
Čakčamánu 1. beaivvi rájes it dárbbaš šat ohcat gielddaid doavttervávttaide telefonnummira, dalle ásahuvvo oktasaš nummir buot doavttervávttaide miehtá Norgga.
Čakčat galgá šaddat álkit olahit doavtterváktii. Go riŋget 116117 nummirii, de galggat automáhtalaččat sirdojuvvot dan doavtterguovddážii mii lea du lagamusas, dieđiha TV2.
– It dárbbaš šat ohcat
Go stádaministtar Erna Solberg galledii Glåmdal gielddaidgaskasaš doavttervávtta, de beasai oaidnit man láhkai ođđa telefunbálvalus galgá doaibmat. Son muitala ahte vaikke gos Norggas leaččat, de galggat sáhttit seamma nummirii riŋget.
– Dalle ii dárbbaš šat ohcat gielddaid doavttervávttaide telefonnummira, dadjá Solberg.
Bisuhit 113
Ođđa telefunnummir Norgga doavttervávttaide doaibmagoahtá čakčamánu 1. beaivvi. Nummirii galgá riŋget jus dárbbaša ráđi dahje medisiinnalaš veahki. Jus dárbbaša heahteveahki, de gal galgá ain riŋget 113 heahtenummirii, čállá NTB ođasdoaimmahat.
