Finnmárkkugirjerádjosiid galgá álki dovdat ja galget leat eambbo olamuttos geavaheddjiide.
Finnmárkkugirjerádjosiid galgá álki dovdat ja galget leat eambbo olamuttos geavaheddjiide.
Dán dálvvi leat Finnmárkku álbmotgirjerádjosat ja girjebusset ovttasbargan. Ulbmil lea boahtit eambbo oidnosii ja ráhkadit oktasaš profiila, logo ja ođđa neahttasiidduid.
– Ulbmil profiilain lea ahte Finnmárkkugirjerádjosiid galgá álki dovdat ja eambbo olamuttos geavaheddjiide. Don galggat dovdat girjerádjosa ja girjerájusfálaldagaid vaikko gos leat, dadjá fylkkagirjerájushoavda Heikki Knutsen preassadieđáhusas.
Ovdánahttin dan ođđa profiillas lea oassin dan golmmajahkásaš prošeavttas mii Finnmárkkugirjerádjosiin lea go áigot hábmet buoret girjerájusfálaldagaid Finnmárkku ássiide.
Logo ja profiila
Profiila lea Reklamehuset Nord ovdánahttán ovttasráđiid girjerájusbargiiguin miehtá Finnmárkku.
Finnmárkkugirjerádjosiid logos leat elemeanttat mat leat dehálaččat girjerádjosiid árgabeaivái, nu go deaivvadanbáiki, girjjálašvuohta, ođđa teknologiija ja girjjálašvuohta, ja ahte girjerádjosiin lea vuođđu ohppui ja ovdáneapmai. Profiila lea sihke dárogillii, sámegillii, kvenagillii ja suomagillii.
– Lassáneapmi Finnmárkku girjerádjosiin lágidemiin čájeha ahte leat lihkostuvvan prošeavttain. Dasa lassin lea šaddan buoret ovttasbargu girjerádjosiin, suohkanrájiid rastá, dadjá Heikki Knutsen.
