-Almmuhus-
-Almmuhus-
SMÁVVAOĐĐASAT– Oktasaš árvo­vuođđu ja bajit doaibma­prinsihpat mánáidgárde­fálaldahkii ja oahpa­hussii miehtá Sámi

– Oktasaš árvo­vuođđu ja bajit doaibma­prinsihpat mánáidgárde­fálaldahkii ja oahpa­hussii miehtá Sámi

-

-

Sámediggeráđđi lea 2020:s bidjan johtui bargojoavkku mii galggai konkretiseret ja hábmet oktasaš árvovuođu ja bajit doaibmaprinsihpaid mánáidgárddiide ja oahpahussii miehtá Sámi. 

Bargojoavkkus leat leamašan miellahtut sihke Norgga -, Suoma- ja Ruoŧa-beale sámis ja sii leat ge dál almmuhan julggaštusa. Julggaštus galgá láidestussan sámi mánáidgárdefálaldahkii ja oahpahussii. Dat galgá sihkkarastit ahte sámi rievttit ja vuoigatvuođat váldojit vuhtii, ja ahte mánát ožžot fálaldaga ja oahpahusa iežaset gillii ja ahte kultuvra čalmmustuvvo.

Láhčá dili rájáhis ovttasbargui

Dán julggaštusa vuođul gokčá mánáidgárdefálaldat Norggas mánáidgárddi, Suomas árrabajásgeassima ja Ruoŧas ovdaskuvladási. Oahpahussii gullet vuođđo- ja joatkkaskuvlla fálaldagat.

– Dát julggaštus lea earenoamáš dan dáfus ahte ii leat ovdal čađahuvvon dákkár oktasaš bargu riikarájiid rastá. Julggaštus láhčá dili eanet rájáhis mánáidgárde- ja skuvlaovttasbargui, dadjá sámediggeráđđi Mikkel Eskil Mikkelsen.

Son illuda bovdet politihkkarguimmiid, mánáidgárddiid ja skuvllaid jođiheddjiid, oamasteddjiid, vánhemiid ja oahpaheddjiid Norgga, Suoma ja Ruoŧa beale sámis bargagoahtit julggaštusa áigumušaiguin ja duohtandahkat daid.

-Almmuhus-