Studeanttat dutkan movt Davvi-Suoma turistabáikkit leat lihkostuvvan nu bures geasuhit turisttaid.
Norgga Árktalaš universitehta studeantaguovttos, Silje S. Nordstrand ja Margrete Knutstad, leaba dutkan movt Davvi-Suoma turistabáikkit leat lihkostuvvan nu bures geasuhit turisttaid.
Soai leaba masterbarggu čállán dan birra movt buoridit mátkkoštanealáhusa Gaska-Romssas.
Soai dadjaba nordlys.no neahttaaviisii ahte Levi lea dušše okta várri gosa leat huksen 24 500 oađđensaji.
Jus buohtastahttá Suoma oaivegávpogiin, Helssegiin, de doppe eai leat nu olu oađđensajiid go Levis.
Soai leaba gávnnahan ahte leat golbma ákka manin leat nu bures lihkostuvvan:
Levis lea oktasaš diŋgonvuogádat mas buohkat leat mielde, sii luhttet dan vuogádahkii ja nuppi ealáhusaktevrii, ja goalmmát lea ahte doppe lea ovttasbargu hui viidát ealáhusaid gaskkas.
