Šaddá máksit 5400 ruvdnosaš sáhku ja oažžu guokte čuoggá vuodjinkortii.
Finnmárkku politiijat dárkkistedje disdaga johtolaga Guovdageainnus. Leahttodárkkisteapmi lei E45 luotta alde, guovdu márkana, ja okta olmmoš sáhkkohalai go vujii 64 kilomehtera diimmus (km) báikkis gos leahttomearri lea 50 kilomehtera diimmus.
2023 máksomeari mielde šaddá vuoddji máksit 5400 ruvdnosaš sáhku ja oažžu guokte čuoggá vuodjinkortii go lea vuodján badjel 10 km/d gitta 15 km/d báikkis gos leahttomearri lea vuollel 60 km.
Promilladárkkisteapmi
Politiijat dolle maiddái promilledárkkisteami Guovdageainnu márkanbáikkis seamma beaivvi. Politiijat dárkkistedje 30 biilavuoddji, ii oktage sáhkkohallan.
