20-jahkásaš almmáiolmmoš jámii Davvi-Norgga johtolagas čákčamánus.
Čakčamánu lihkohisvuođalogut čájehit ahte lei okta olmmoš gii massii heakka Davvi-Norgga geainnuin. Lihkohisvuohta dáhpáhuvai Elvemo nammasaš báikkis Skánin Romssas. Almmáiolmmoš lei 20 jagi go beaškkehii bussiin E10 geainnu alde.
Dassážii 2019;s leat 15 olbmo massán heakka Davvi-Norgga geainnuid alde. Dat lea 6 olbmo eambbo go seamma áigge diibmá. Daid vihtta maŋemuš jagiid leat gaskamearálaččat jápmán gaskal 12 ja 13 olbmo johtolatlihkohisvuođain daid 9 vuosttaš mánuin Davvi-Norggas, dieđiha Stáhta geaidnodoaimmahit preassadieđáhusas.
