Johtolat politiijat dárkkistedje biilavuddjiid Kárášjogas ja Deanus.
Politiijat dieđihit Twitteris ahte sii leat bearráigeahččan johtolaga báikkiin gos lea alimus leahttomearri 80 km/d, sihke Kárášjoga ja Deanu suohkanis.
Kárášjogas sáhkkohalle gávccis ja okta massii vuodjinlobi.
Son vujii 120 km/d báikkis gos ii lean lohpi vuodjit go 80 km/d.
Deanus sáhkkohalle ges guđas. Doppe lei alimus leahttu 115 km/d. Dát biilavuoddji gal beasai vuodjit viidásit, muhto ruhtabursa gal geahpui 10 200 ruvnnuin.
