Geaidnopolitiijat leat dárkkistan johtolaga máŋgga sajis Finnmárkkus. Gávccis sáhkkohalle alla leahtu dihte, ja okta massii vuodjinkoartta.
Finnmárkku politiijaguovlu dieđiha ahte geaidnopolitiijat leat leamaš jođus gaskavahkku Finnmárkkus.
Reaššvuonas bissehedje gávcci biilavuoddji go doaladedje beare alla leahtuin. Dat gávccis fertejit máksit sáhkuid dan ovddas.
Alimus leahttu lei 68 km/diimmus báikkis gos lea lohpi vuodjit eanemusat 50 km/diimmus.
Maiddái Čuđegiettis leat geaidnopolitiijat dárkkistan johtolaga gaskavahkku.
Ovtta vuoddjis válde vuodjinkoartta ja leat váidán su go vujii 88 km/diimmus báikkis gos lea lohpi vuodjit 60 km/diimmus.
Hámmárfeastta politiijat leat finadan dárkkisteame biilavuodjima ja mátketelefungeavaheami.
– Golmmas fertejit máksit sáhku go čuggo telefuvnna biillain vuojidettiin, dieđihit Finnmárkku politiijat Twitteris.
