Gaskamearálaš temperatuvra olles riikkas lei 4,6 °C bivvaleabbo go dábálaččat.
1900-logu rájes lea Norggas dušše golbmii leamašan lieggasat juovlamánus, go mannan jagi. Lieggaseamos lei Innlandet, Viken ja Romssa ja Finnmárkku fylkkain, gos muhtin stašuvnnat mihtidedje 7-8 gráda lieggasat temperatuvrraid go dábálaččat.
Kárášjogas buollašeamos 2001 rájes
Mánu lieggaseamos makstemperatuvra registrerejuvvui juovlamánu 19. beaivvi Tafjordas. Dalle ledje doppe 17 lieggagráda. Galbmaseamos grádat juovlamánus mihtiduvvo ges Čoavddatmohkis, Kárášjoga gielddas juovlamánu 27. beaivvi, dalle ledje doppe -43,3 gráda. Dát lei ge maid vuolimus temperatuvra mii mihtiduvvui Norggas olles 2020:s. Nie buolaš ii leat Norggas mihtiduvvon 2001 rájes.
Juovlamánus maid arvvii 15 proseantta eambbo go dábálaččat, eanemus arvvii máddin Agder, Vestfold, Telemark ja Viken fylkkain.
