Hámmárfeastta gielda dieđihii digitála preassakonferánssas gaskavahkku ahte olmmoš, geasa lei njommon covid-19, lea jápmán.
– Okta olmmoš gielddalaš njoammuovttadagas lea jápmán. Lea pasieanta gii lei duođalaččat buohcci ovdal go oaččui covid-19. Danin eat sáhte sihkkarit dadjat ahte pasieanta jámii korona geažil vai lea go korona oassin, dadjá sátnejođiheaddji Marianne Sivertsen Næss, Altaposten dieđuid mielde.
Maŋŋebárgga ledje oktiibuot registrerejuvvon 280 koronajápmima Norggas. Álbmotdearvvašvuođainstituhtta čuoččuha ahte lea dávjá váttis diehtit lea go olmmoš jápmán korona geažil vai lea go korona oassin.
Hámmárfeasttas lea 28 olbmui registrerejuvvon njommon covid-19 maŋimuš guovtti vahkkus. 80 lagasoktavuođa leat ain erremis, dieđiha Næss.
(©NTB)
