-Almmuhus-
SMÁVVAOĐĐASATOkta golmmas meddet johtolat­rieggás

Okta golmmas meddet johtolat­rieggás

-

-

NAF (Norgga automobiilla lihttu) varas logut čájehit ahte 30 proseantta biillavuoddjit meddet go vudjet johtolatrieggás. – Olbmot orrot jorbbodeame go vudjet johtolatrieggás, sihke go galget dieđihit gosa leat mannamin ja go galget válljet vuodjinfeaskára, lohká NAF-neavvu Jan Harry Svendsen.

Biilavuoddjit leat eanemus eahpesihkkarat go vudjet olggos ja sisa johtolatrieggás. Norstat iskanlogut NAF (Norgga automobiilla Lihttu) ovddas, čájehit ahte 30 proseantta meddet go galget dieđihit gosa leat mannamin johtolatrieggás. 

– Go dieđihit boastut šleađggočuovggain dahje eai geavat dan oppanassii ge, de dat mielddisbuktá njoazit johtolatjohtima. Dát sáhttá dagahit boasttu áddejumi dahje lihkohisvuođaid, lohká NAF-neavvu preassadieđáhusas.

Son rávve olbmuid áigemunil cahkkehit šleađggačuovgga ovdal go joavdá johtolatrieggái. Dalle eai dárbbaš eará biilavuoddjit eahpidit maid don áiggut dahkat. Deaddil šleađggačuovgga ala sihke go manat johtolatrieggái ja go guođát dan.

Svendsen lohká johtolatriekkis lea nu mo dábálaš luoddaearut ge, áidna erohus lea ahte johtolatrieggás ferte dieđihit olgešbeale vuddjiide áigemunil go áigu vuodjit olggos dan johtolatrieggás. Vuoje gurotbealde dassážii go lahkonat dan luoddaearu gosa leat mannamin vai čáhkkehat saji earáide geat eai leat nu guhkás vuodjimin johtolatrieggás.

-Almmuhus-