Guokte olbmo leigga skuhterlihkohisvuođas odne Idjavuonduoddaris.
Finnmárkku politiijaguovlu oaččui mánnodat iđida diibmu 08.35 dieđu skohterlihkohisvuođa birra Idjavuonduoddaris.
Politiijaid operašunjođiheaddji Stein Kristian Hansen dadjá Ávvirii ahte ledje guokte olbmo dán lihkohisvuođas, ja soai leaba ieža dieđihan politiijaide dáhpáhusa birra.
Ohcan moadde diimmu
Politiijat álggahedje gádjunakšuvnna, ja ohcagohte sudno Sea King helikopteriin.
Easkka 11- áigge gávdne sudno.
Son ii dieđe vel muitalit mii lea dáhpáhuvvan dán lihkohisvuođas.
– Ledje guokte olgoriikkalačča geaid vulggiimet ohcat. Mis ledje gulahallanhástalusat giela geažil, ja lei váttis gávdnat sudno, dadjá Hansen.
Dutkagohtet ášši
Nubbi sudnos duššai lihkohisvuođas.
– Nubbi sudnos lea duođaštuvvan jápmán. Politiijat dutkagohtet ášši ja dolvot dieđu oapmahaččaide, dadjá Hansen.
Politiijat eai vel almmut guđe riikii soai gullaba.
