-Almmuhus-
-Almmuhus-
-Almmuhus-
OĐĐASATOidnet suorgga­hahtti dahje veahka­válddálaš sis­doalu

Oidnet suorgga­hahtti dahje veahka­válddálaš sis­doalu

-

-

Ođđa iskkadeamis čájeha ahte leat olu mánát ja nuorat geat leat oaidnán suorggahahtti dahje veahkaválddálaš sisdoalu maŋemuš jagis.

Mediabearráigeahčču lea doallan jearahallaniskkadeami. Sullii 3400 máná ja nuora, agis 9-18, leat vástidan.

43 proseantta gaskal 13- ja 18-jahkásaš nuora leat vástidan ahte sii leat oaidnán suorggahahtti dahje veahkaválddálaš sisdoalu, ovdamearkka dihte olbmot geat hávvádit eará olbmuid dahje elliid.

– Olu sáhkavuorut, ođasáššit ja kommentárat iešguđet digitála kanálain leat mánáid ja nuoraid beaivválaš eallimis. Iskkadeapmi čájeha ahte sisdoallu mii sáhttá leat vahátlaš, sáhttá čuohcat olu mánáide ja nuoraide, dadjá Mediabearráigeahču direktevra Mari Velsand.

Vugiid movt iežas vahágahttit

Leat eambbo nieiddat go bártnit geat dadjet ahte leat oaidnán suorggahahtti dahje veahkaválddálaš sisdoalu, čájehit iskkadeami logut.

Olles 34 proseantta, sihke nieiddat ja bártnit, leat oaidnán sisdoalu neahtas mii čájeha movt lea leahkit hui seaggin neahtas. 30 proseantta muitalit sii leat oaidnán sisdoalu dahje digaštallamiid mat čájehit vugiid movt iežas vahágahttit.

Jearahallaniskkadeami čađahii Sentio Research Norge Mediabearráigeahču ovddas. Mánát ja nuorat, 51 skuvllas miehtá Norgga, serve iskkadeapmái.

-Almmuhus-