-Almmuhus-
-Almmuhus-
GUOIMMUHEAPMI – Ohoi, gal mun searvvan

– Ohoi, gal mun searvvan

-

-

Namma: May Irene Anti

Ahki: 19

Guovlu: Kárášjohka

May Irene Anti ii lean mielas searvat gilvui ovdal go gulai ahte lea muhtin hástalan su:

– Ohoi, gal mun searvvan go jo lean hástaluvvon!

1. Mii lea sápmelačča namma guhte vuittii
«Stjernekamp» nammasaš gilvvuid čakčat?

– Ella Marie. RIEKTA!

 

2. Goas čuoiggai Fridtjof Nansen Ruonáeatnama badjel?

– Lei go son 1880-logus? Nu mun dajan. RIEKTA!

 

3. Galle OG- ja MM-golli lea Petter Northug vuoitán?

– Badjel logi! Na … 15. RIEKTA!

 

May Irene máhtii vástidit buot golbma gažaldagaid álgovuorus, nu ahte manná viidáset liigegažaldagaide.

Mii lea čuovgadeamos násti?

– Duot Jesusa násti, mii son lei namma… Sirius? RIEKTA

Galle geardde rohkadallet muslimat beaivválaččat?

– Viđa geardde. RIEKTA

Makkár guolga lea bohccos go lea šnjilži?

– Hmm … Leago dakkár mas lea suhkkes guolga? Dan mun árvidan. BOASTUT

Rivttes vástádus: Njárbes ja oanehis guolga, go lea borgádeame.

 

May Irene čokkii vel guokte čuoggá liigegažaldagain. Dál beassá árvádusa vel árvidit. Son vállje alit árvádusa mas sáhttá fasket 10 čuoggá.

Mii boahtá vulos, muhto ii mana šat bajás?

– Balloŋŋa? Ha-ha, ii dat gal sáhte. Arvi mun dajan. RIEKTA

Čuoggá oktiibuot: 15

 

Juohke gilvaleaddji beassá hástalit ođđa gilvaleaddji Ávvira geassegilvui.

– Mun hástalan iežan siesá, Máret Láilá Anti, son soaitá hui čeahppi dás!

 

- Advertisement -
-Almmuhus-