Politiijat leat váldán gitta muhtin dievddu Leavnnjas go galgá leat áitán earáid vearjjuin mannan ija. Politiijat leat ohcame vearjju dál.
Muhtin dievdu, gii lea badjelaš 20-jahkásaš, lea politiijaid hálddus dál, go válde su gitta vearjoakšuvnnas distaga iđit, čállá iFinnmark.
Ohcame vearjju
Politiijat leat dál burgime viesuid ja ohcame pistovlla dahje revolvera mainna oaivvildit dievddu áitán olbmuid.
– Dievdu lea láhtten várálaččat bissulágán diŋggain, lohká politiijaguovddáža operašuvdnajođiheaddji iFinnmarkii.
Politiijat eai leat ožžon duođaštuvvot ahte lei bissu mainna áittii, ja leat ge ohcame dan.
