Ođđa dutkan čájeha ahte deŧaleamus ágga manin olbmot háliidit dieđihit iežaset Sámedikki jienastuslohkui, lea nannet iežas sámi identitehta.
Ođđa dutkamis lea Stockholmma universitehta dutki Ragnhild Nilsson ovttasbargan Ulf Mörkenstamiin ja Stefan Dahlbergiin ja dutkan ja čállán girjji dan fágas. Sii leat iskan Ruoŧa Sámedikki 2013 ja 2017 válggaid.
– Váldoágga dasa ahte vállje dieđihit iežas lea ahte čájeha sámi identitehta. Olles 43 proseantta dahket dan identitehta nannema dihte, čájeha válgaiskkadeapmi mii dahkkui 2017:s. čilge Stuehkie universitehta dutki Ragnhild Nilsson Sámi Radio ja SVT Sápmái.
Dutkit leat joatkán 2017 Sámedikki válgga iskkadeami. Dál sis lea áigumuš almmuhit ođđa girjji ovdal juovllaid seamma fágas.