-Almmuhus-
-Almmuhus-
-Almmuhus-
SMÁVVAOĐĐASATOhcet orrun­báikkiid báhtareddjiide

Ohcet orrun­báikkiid báhtareddjiide

-

-

Deanu gielda bivdá olbmuid dieđihit gildii jus leat orrunbáikkit mat heivejit báhtareddjiide.

– Ukraina Báhtareddjiidrávnnji oktavuođas lea Deanu gielda dieđihan IMD:i ahte sáhttet váldit vuostá 20 báhtareaddji gildii. Dasa lassin sáhttet boahtit báhtareaddjit eará geainnuid bokte, čállá Deanu gielda.

Dát gáibida ahte gávdnojit orrunbáikkit, ja danne lea ge gielda dál kártegoahtán makkár vejolašvuođat gielddas leat ássanbáikkiid dáfus:

– Jus muhtimiin leat orrunbáikkit mat leat heivvolaččat láigoheapmái, de sáhttet sii dan dieđihit gildii. Álgovuorus mii registreret ássanvejolašvuođaid, ja dasto váldit oktavuođa láigoheddjiiguin dárbbu mielde, čállá Deanu gielda sin neahttasiiddus.

-Almmuhus-