Oahpahusdirektoráhtta bargagoahtá ođđa oahppoplánaid ovddideamen iešguđetge skuvlafágain vuođđoskuvllas ja joatkkaskuvllas, ja dan oktavuođas ohcet áŋgiris ja čeahpes olbmuid bargojoavkkuide.
Oahpahusdirektoráhtta bargagoahtá ođđa oahppoplánaid ovddideamen iešguđetge skuvlafágain vuođđoskuvllas ja joatkkaskuvllas, ja dan oktavuođas ohcet áŋgiris ja čeahpes olbmuid bargojoavkkuide.
Oahppoplána ovddideapmái dárbbašit maiddái olbmuid geain lea sámi gelbbolašvuohta sihkkarastin dihtii sámi oahppoplánaid sisdoalu.
Bargojoavkkuide ohcet sihke oahpaheddjiid ja universitehtaid ja allaskuvllaid ovddasteddjiid.
Maiddái skuvlajođiheaddji, skuvlaeaiggádat ja earát geain lea hárjáneapmi ja gealbu dán suorggis sáhttet árvaluvvot doibmii.
Olbmot eai sáhte iežaset árvalit ja sii geat leat buvttadeamen oahpponeavvuid eai beasa searvat bargui.
Bálkábargu
Oahpahusdirektoráhtta čállá neahttasiiddustis ahte áigemearri árvalit olbmuid dán doibmii lea cuoŋománu 8. beaivvi.
Oahppaplánaid buvttadeapmi galgá dáhpáhuvvat geassemánus juovlamánnui dán jagi, muhto áigodat sáhttá guhkiduvvot.
Jurdda lea ahte bargojoavkkut deaivvadit, ja juohke okta gártá bargat birrasii 125-150 diimmu.
Oahpahusdirektoráhtta máksá bálkká sidjiide geat oasálastet barggus.
