Gáivuona suhkan bivdá olbmuid váldit oktavuođa jus sis leat láigoviesut ukrainalaččaide.
Gáivuona suohkan lea ávžžuhuvvon váldit vuostá 20 báhtareaddji, ja dál leat ge ohcamin láigoviesuid ukrainalaččaide.
– Jus suohkana ássiin leat ásodagat dahje viesut maid sáhttet láigohit báhtareddjiide, de ávžžuhit sin váldit oktavuođa. Dalle registreret daid láigoviesuid ja váldit oktavuođa jus šaddá dárbu láigohit viesu. Olbmot, geat leat jo addán dieđu ahte sis leat vejolaš láigoviesut, eai dárbbaš ođđasit váldit oktavuođa minguin, čállá Gáivuona suohkan neahttasiiddustis.
Vejolaš láigoviesuid sáhttá dieđihit Roy Grunnvågii, Gáivuona suohkanis.
