82-jahkásaš ii leat dihton 05:30 rájes odne iđđes.
82-jahkásaš ii leat dihton 05:30 rájes odne iđđes.
Buođggáin, Mátta-Várjjagis, leat ohcagoahtán 82-jahkásaš Hilmar Karisari, dieđihit nuorta-Finnmárkku politiijat Twitteris.
– Dievdu lea demeansabuohcci gii ássá boarrásiidsiiddas, muitalit politiijat.
Ohcanakšuvdna
Dievdu lea guoirras ja lea 175 cm. guhkki. Sus leat čurges vuovttat ja lea muhtin muddui báljagan. Politiijat jáhkket dievddu gárvodan ruoná buvssaiguin ja vilges ullobáiddiin mas leat čáhppes sázut. Láhppon dievdu ii leamaš dihtosis diibmu 05:30 rájes odne iđđes.
– Mii leat álggahan ohcanakšuvnna. Sea King, Rukses ruossa, Norgga gádjunbeatnagat, Siviilasuodjalus, politiijat ja boazopolitiija oasálastit. Mii bivdit olbmuid cavgilemiid, čállet politiijat.
