NRK Sápmi áigu ráhkadit nuppi ráiddu Stálugilvvuin, ja ohcet dál ođđa oasseváldiid gilvvuide.
NRK Sápmi áigu ráhkadit nuppi ráiddu Stálugilvvuin, ja ohcet dál ođđa oasseváldiid gilvvuide.
NRK Sápmi lea dán čavčča sádden mánáid-tv-ráiddu Stálugilvvut, gos mánát gilvalit stáluin. Dál sii leat ohcame eambbo oasseváldiid Stálugilvvuide.
Juohke oasis leat áin guokte olbmážaga mielde, geat galgaba stáluin gilvalit. Gilvaleaddjit galget gaskkal 7 ja 11 jahkásaččat, ja sámegielagat.
Johtet ja dollet auditioniid
NRK Sápmi álgá ođđajagis johtit báikkis báikái, doallat auditioniid ja diehtojuohkinčoahkkimiid tv-ráiddu birra.
Sii bivdet dál olbmuid dieđihit, vai dihtet gosa galget vuolgit. NRK Sápmi johtá daidda báikkiide gos orru beroštupmi searvat.
– Maŋŋel čoahkkima háleštat dinguin geat háliidehpet searvat ja geahččalat mo doai ustibaš guovttos doaibmabeahtti kamera ovddas. Searvi! čállá prošeaktajođiheaddji Anne Kristine Rikardsen preassadieđáhusas.