Guovdageainnu suohkan lea ozus 25-55-jahkásaš dievdduid prošektii.
Guovdageainnu suohkan dieđiha iežaset neahttasiiddus ahte suohkanis ja NAVas lea ovttasbargu prošeavttain «Dievddut dearvvašvuođas», mas ulbmil lea rekrutteret dievdoolbmuid dearvvašvuođasuorgái.
Suohkan ohcá dievdduid agiin 25-55. Dearvvašvuođarekruhtat ožžot doarjaga NAVas, bálkká suohkanis, bargohárjehallama ja čuovvoleami ja bagadallama.
Ulbmil lea ahte dearvvašvuođarekruhtat galget olahit fágareivve dearvvašvuođafágabargin guovtti jagis. Dábálaš áigodat olahit fágareivve lea 4 jagi.