-Almmuhus-
-Almmuhus-
-Almmuhus-
OĐĐASATOhcet ain olbmo buolli industriijavisttis

Ohcet ain olbmo buolli industriijavisttis

-

-

Stuora buollin industriijavisttis.

Buot heahteetáhtat, gádjunfanas, siviilasuodjalus, seakinghelikopter, politiijat ja mearrafákta leat mannan industriijaijavistái Irgavutnii, Davvesiiddas. Visttii gullá guollebiebmanealáhussii.

Buollin dieđihuvvui odne iđit dii. 07:40. Vistti lea ávdinbáikkis, nu ahte manai mealgat ovdal go heahteetáhtat jovde báikái, dieđiha NTB.

– Lea hirbmat stuora dolla. Njeallje olbmo ledje barggus. Ohcalit ovtta olbmo, gii lei visttis go buollái, muitala politiijaid operašuvdnahoavda, Svein-Erik Jacobsen iFinnmarkui.

Dábálaččat barget 54 olbmo dán rusttegis. Politiijat eai várot ahte leat eambbo olbmot visttis.

 

Sáhttá bávkkihit

– Mii leat dáhtton olbmuid guođđit dáluideaset lagasbirrasis go sáhttá bávkkihit. Lea maid garra suovvagássa, dadjá Jacobsen.

Operašuvdnahoavda lohká váttis dilálašvuođa báikkis. Suovvabuokčit leat bargame hehtten dihte leavvama.

Lea stuora buollin, ránnjávistti seaidni lea maid buollán. Ii bala dan dihte buollima leavvat go lea goalki báikkis.

– Lea sihkkaraston duhát mehtera, dieđiha Jacobsen.

 

Suovvabuokčit fárus

Davvesiidda ja Porsáŋggu buollinveagat ollejedje báikái birrasii ovccis. Seaking gádjunhelikopter ja mearrafáktahelikopter oktan suovvabukčiguin ollejedje birrasii diibmobeali maŋŋel.

Buollin lea Laksefjord AS nammasaš guollebiebmanealáhusa visttis. Dan duođašta Laksefjord AS beaivválaš jođiheaddji, Bjørn Rune Hovrud.

 

Ášši ođastuvvo.

-Almmuhus-