Ohcejoga gielda máksá buhtadusa bargiide geat barget dearvvašvuođaguovddáža seaŋgaossodagas, sivvan manne mákset buhtadusa lea go koronadilis leat heivehan bargodili.
300 euro buhtadusa máksá Ohcejoga gielda seaŋgaossodaga bargiide go leat heivehan bargodili koronadilis. Buhtadus mákso sullii 20 bargái, seammás fállá maid gielda borramušovddu daidda geat háliidit dan.
Oanehit áiggis leat Ohcejogas leamaš máŋga koronadáhpáhusa, ja eatnasis lea leamaš oktavuohta seaŋgaossodagain.
Vuokko Tieva-Niittyvuopio dadjá ahte koronadilli lea barggahan seaŋgaossodaga bargiid ollu.
Dán čállá Yle Sápmi.
