-Almmuhus-
LIŊKA BIOSEvttot kandidáhtaid  «Dán jagáš sápmelaš» namahussii 

Evttot kandidáhtaid  «Dán jagáš sápmelaš» namahussii 

-

-

Dál lea fas áigi bovdet álbmoga evttohit gii ánssášivččii guoddit dan namahusa jagi 2022 ovddas. 

Dán jagi, nu go ovddit jagiid, de nammadit mii ovttas iežamet lohkkiiguin ovtta olbmo «Dán jagáš sápmelažžan».

Son gii nammaduvvo galgá bargan buori sámeservodaga ovdii jagis mii fargga lea vássán.  Kandidáhtta galggašii beaggán, ollašuhttan juoidá dahje rahčan ášši dahje fáttá ovddidit dahje soitet leat eará ákkat manne juste du evttohas ánssáša namahusa «Dán jagáš sápmelaš».

Dat sápmelaš soaitá beaggán ollu sámemediain dahje vel viidábut iežas barggu dahje rahčamuša oktavuođas. Beakkálmasvuohta stuorraservodagas ii leat váldoágga evttoheapmái.

Lohkkit mearridit 

Jus dus lea evttohus gii dán namahusa ánssášivčče, de sáddes iežat evttohusa  ovdal dán mánu 30. beaivvi oktan oanehis čilgehusain.

Evttohusaid gaskkas vállje Ávvira doaimmahus 12-15 kandidáhta geat besset evttohassan. Dasto lágidit jienasteami avvir.no siiddus.

Sáddes iežat evttohusa oktan oanehis čilgehusain deike: post@avvir.no 

-Almmuhus-