Deanus leat ohcame 30-jahkásaš dievddu. Son galgá maŋemuš oidnon Álletnjárggas, Deanus. Politiijat bivdet cavgilemiid álbmogis.
Deanus leat ohcame 30-jahkásaš dievddu. Son galgá maŋemuš oidnon Álletnjárggas, Deanus. Politiijat bivdet cavgilemiid álbmogis.
Finnmárkku politiijaguovlu dieđiha preassadieđáhusas ahte leat álggahan ohcanakšuvnna Deanus.
Lea 30-jahkásaš dievdu guhte lea dieđuhuvvon láhppon. Son galgá maŋemuš oidnon sotnabeaivvi čuovganeapmái, sullii viđá áigge. Son lei jođus olggos muhtun viesus.
Politiijat bivdet biilavuddjiid cavgilit jus leat oaidnán dievddu vázzime fylkkaluotta 895 alde, Buolbmága, Skiippagura ja Deanu šalddi guovllus gaskkal diibmu viđá ja ovcci sotnabeaivvi iđida.
Čuvges ruoná jáhkka
Politiijat bivdet maid olbmuid iskat barttaid ja áittiid seamma guovllus, goappaš beale Deanu. Dievdu sáhttá čákŋan dohko.
Dievddus galggai čuvgesruoná jáhkka badjelis, mas čuožžu «Bring».
Politiijat bivdet cavgilit 02 800 dahje 7897 2000 nummárii.
