Beaivváš Sámi Nášunálateáhtera virgádanlávdegoddi lea mearridan guhkidit teáhterhoavdavirggi ohcanáigemeari.
– Mii leat mearridan guhkidit ohcanáigemeari guovvamánu 28. beaivái. Dat eai boahtán nu olu ohccit, muhto dat ii lean vuorddekeahtes, dadjá teáhtera stivrajođiheaddji Maria Utsi iFinnmark áviisii.
Ohcanáigemearri teáhterhoavdavirgái lei dán mánu 15. beaivvi. Njealjis leat ohcan dan virgái.
– Mii leat dál mearridan rekruterenfitnodaga bálkáhit veahkkin dan bargui, dadjá Utsi iFinnmark áviisii.
Dála teáhterhoavda, Rolf Degerlund, bargá dassái go ođđa visti gárvana, borgemánnui 2024.
