Dálá sámediggedirektevra Rune Sverre Fjellheim lea ohcan ođđa barggu UiT Norgga árktalaš universitehtii.
Dálá sámediggedirektevra Rune Sverre Fjellheim lea ohcan ođđa barggu UiT Norgga árktalaš universitehtii.
Čiežas leat ohcan UiT Norgga árktalaš universitehta direktevran. Buohkat leat dievddut.
Universitehta almmuhii virggi juovlamánus ja leat dál almmuhan ohcciidlisttu.
Dálá sámediggedirektevra Rune Sverre Fjellheim lea okta ohcciin.
Ohcciidlistu:
Dievdu, namma ii leat almmolaš
Kjetil Kvalsvik (48) UiT Dearvvašvuođadieđa fakultehtadirektevra, Romsa
Konstantinos Voulgaris (30) Bargoohcci, Piraeus
Rune Sverre Fjellheim (53) Direktevra, Kárášjohka
Stig Ørsje (54) IT-direktevra, Romsa
Jørgen Fossland (47) Fakultehtadirektevra, Romsa
Magne Aasheim Knudsen (50) Fakultehtadirektevra, Kristiansand
Guokte ohcci geassádeigga maŋŋel go ohcanáigemearri dievai.
Ohcanáigemearri lei ođđajagemánu 15. beaivvi, muhto guhkiduvvui go universitehta háliidii lasi ohcciid.
Stivra mearrida gean virgádit ođđa universitehtadirektevran.
Universitehtadirektevra lea oassin universitehta jođihangottis, sus lea hálddahusovddasvástádus ja bargá 6 jagi.
Ođđa direktevra álgá bargui geassemánu 1. beaivvi 2018:s.
Lasse Lønnun leamaš UiT direktevran 2006 rájes, su mearreáigi lea lohppii ollen.
Maŋimuš gávcci mánu lea Jørgen Fossland doaibman direktevran.
