-Almmuhus-
-Almmuhus-
-Almmuhus-
OĐĐASATOhcame nuorra lávlunčehpiid Finnmárkkus

Ohcame nuorra lávlunčehpiid Finnmárkkus

-

-

Dovddus artista ja buvttadeaddji, Espen Lind, ávžžuha nuorra lávluid Finnmárkkus dieđihit iežas mielde ođđa lávlunjovkui. Dál lea son ohcame 6-10 lávlu jovkui.

Espen Lind galgá doaibmat lávlunjoavkku oahpaheaddjin, ja prošeakta lea golmma jagi badjel maid Scene Finnmárkku Ung Artist čađaha vai ovddida nuorra lávlunčehpiid deaivvademiid ja konsearttaid bokte.

 

Čađahit lávlungeahččaleami

Nuorat sáhttet dieđihit iežas maŋemusat njukčamánu 13.beaivvi, ja das maŋŋel čađahuvvo lávlungeahččaleapmi Skype bokte njukčamánu 24.beaivvi ja 25.beaivvi. Lávlungeahččaleami čađaha Espen Lind ovttas prošeaktajođiheddjiin Marit Karlseniin.

– Buohkat Finnmárkkus geat leat gaskkal 15 jagi ja 21 jagi boarrásat sáhttet dieđihit lávlunprošektii. Espen Lind galgá dieđusge leat mielde soames deaivvademiin, čilge Marit Karlsen.

 

Beaggán guhká musihkkamáilmmis

Espen Lind lea dovddus artista ja lea čállán lávlagiid alcces ja máilmminásttiid ovddas. Son lea vuoitán vihtta Spellemann bálkkašumi, ja almmuhan ollu skearruid. Son lea lávlon joavkkus Lind/Nilsen/Fuentes/Holm, mii bures bekkii muhtin jagiid áige. Son lea čállán šuoŋaid muhtin lávlagiidda maid beakkán lávlu Beyoncé ja Train leat lávlon. Lind lea maid leamaš guktii mentor lávlunprográmmas “The Voice”.

-Almmuhus-